کەی دێتەوە وا ساڵێکی گەورە و گران بەسەر دووریتدا تێپەڕی
پایز هات و گەڵا وەری
ئەی کچی وڵاتی بەفر من ئامادەم بۆ کچێکی وەک تۆ پەری
هەوار هەوار شوێن پێی کاروانت هەڵگرم ببم بە کوڕە کۆچەری
من هەڵوەدام بۆ کچێکی وەک تۆ پەری
شوێن پێی کاروانت هەڵگرم ببم بە کوڕە کۆچەری
هەر دێیتەوە تۆ ڕاهاتووی ئەو هەوایە و کوێستانەی
تۆ کۆچی وڵاتی بەفری
کە دێیتەوە بێگومانم ئێستاش لە جاران جوانتری
ئەی کچی وڵاتی بەفر من ئەوشەو خەوم پێتەوە دی
لە خەوما ببووی بە پەری
وەک فریشتەی بەرگ سپی هاتییە خوارێ بە کپی
پەریزادە ئەی دەم و چاو فریشتەیی
ساڵێک ڕۆیی وەڵا هەواڵێکم پێ نەگەیی
ساڵێک ڕۆیی هەواڵێکم پێ نەگەیی
تۆ بەڵێنیم پێ بدە تا من بەرەو ژوان ببمەوە
بمدەیە ماچێکی تەڕ لەو لێوە تا جوان ببمەوە
بمدەیە ماچێکی تەڕ لەو لێوەت من جوان ببمەوە
شەنگەبێری بسڕەوە فرمێسکی بێ شوانیت ئیتر
ڕەنگە ئێستێش لەو چیا و زۆزانە بۆ شوان ببمەوە
دەستی لەرزۆکم هەتا تێیدایە هێزی بەیگوشین
لێم گەڕێ تاوێ لە باغی سینەت مێوان ببمەوە
من گوڵی سەر گۆڕی ئاواتی لەمێژینەم بەڵام
ڕێژنێکم لێ بدا پێم وایە بۆ ڕوان ببمەوە
شێخی سەنعان بۆ کچی گاور لە ئیسلام وەرگەڕا
من خەریکم بۆ کچە کوردێک پەشیمان دەبمەوە*