لە دوورەوە ناوت بیستووم
ناشارەزا خۆشت ویستووم
گوایە لەگەڵ شێعرەکانما زۆر ژیاوی
شەوەهای شەو؛
تەزووی شیرینیان پێ داوی...
نەتناسیوم؛
بڕوا بکە نەتناسیوم...
ئەو جیهانەی تۆ ئەتەوێ
هەرگیز لای من دەست ناکەوێ
جیهانی من هەمووی خەمە
زەردەخەنەی یەکجار کەمە
ساقییا! وا بادەوە، وا بادەوە
ڕوو لە لای من کە بە جامێ بادەوە
موشتەری وەک من لە مەیخانێ کەمن
زۆربەیان شاد و بەکەیف و بێخەمن
مەی حەرامە بۆ سەهەندە و بێخەمان
مەستی بێخەم بۆ چی بگرن ئێخەمان؟
ژیانم بێ مەی پڕ دەرد و خەمە
ساقیش دەربارەی من مەیلی کەمە*
ئەم شەرابە ئاڵە* دەرمانی خەمە
لێی حەرام بێ هەر کەسێ* دەردی کەمە
ژیانم بێ مەی پڕ دەرد و خەمە
ساقیش دەربارەی من مەیلی کەمە
ئەم شەرابە ئاڵە بۆ بێدەرد نییە
لێی حەرام بێ هەر کەسێ* ڕەنگ زەرد نییە
ژیانم بێ مەی پڕ دەرد و خەمە
ساقیش دەربارەی من مەیلی کەمە