تەمەنم ڕۆی لە غوربەت و لە خەمدا
تروسکەی بەختی من ون بوو لە تەمدا
گوڵی باخچەی ژیانم یەک یەک وەری
دە دەرکەوە ئەستێرەی بەختەوەری
داروبەردی ئەم غوربەتە بە جارێ
بۆ دڵی من هەر خەمیان لێ دەبارێ
خەونەکانم هیواکانم تێپەڕین
وەکوو گەڵای زەردی خەزان هەڵوەرین
باخچەی سەرم سپی بوو بە بەفری خەم
شووشەی دڵم دایپۆشی هەناسەی تەم
من تەمەنم بۆ ڕووناکی تۆ سووتاند
تۆ مۆمێکت بۆ دڵم دانەگیرساند
کەچی هێشتا سەرم پڕی عیشقی تۆیە
دڵ ئاگردانی پڕ گڕ و پشکۆیە