لەنگۆ یار پەیدا نابێ پەیدا بێ وەفای نابێ
سەد ساڵ خونچە بپشکوێ بێ بولبول بەهار نابێ
چ بکەم دڵ گرتوویەتی بە کەس تەوەلا نابێ
فەسڵێکی گەلێک خۆشە نێوان مانگی بەهاران
کوێستان دەڕازێنەوە خێڵ هەڵدەکشێن بۆ بناران
دوو شت یەکجار زۆر خۆشە بۆ سێبووری دڵداران
گەڕەلاوژەی شەوانە و هەڵپەڕینی ئێواران
لەنگۆ یار پەیدا نابێ پەیدا بێ وەفای نابێ
سەد ساڵ خونچە بپشکوێ بێ بولبول بەهار نابێ
چ بکەم دڵ گرتوویەتی بە کەس تەوەلا نابێ
های گەلۆ
وەرە داد گەلۆ
ئەوە غەمی تازەم زۆرن غەمی کۆنم چ نینە و
عەزیزەکەی دە دنیایێم چ بکەم بە غەمان پێک نایێ
ئەوە سەرێکە من دێشێ و دڵێکە منی هەڵنایێتەوە لەبەر ئەوێ ئاگران
یاڕەبی هەتیو حەیرانەکەی من ئەوە بێتەوە لە سەفەرێ دە گەورە و گران
یاڕەبی خودایە سەبر کە نەرم کە بێتەوە بەسەر قەڵەوەری دە لەشکران
ئەوە کیژێ دەیگوت دوێنێ ئێوارێ گولەیێکی لە گولەمێرداندا هات و
دارێکی دەدا لە قوڵێکی بە بازن و لە باسکێکی بە خڕخاڵ هەڵنایێتەوە لە دەشتی شینە تەمبووریان
بترازێنم ئاڵقەی دە زرێیان و بکەمەوە ڕیشووی قەرەقۆشینان و دەسران
های گەلۆ
وەرە سەرگەردانم گەلۆ
نەخۆش و دەردەدارم ئازار نییە دەردی تۆیە
چارەم ناکەن حەکیمان شیفام بە دەستی تۆیە
ڕوو لە هەر جێیەک دەکەم تاریفی جوانی تۆیە
لەنگۆ یار پەیدا نابێ پەیدا بێ وەفای نابێ
سەد ساڵ خونچە بپشکوێ بێ بولبول بەهار نابێ
چ بکەم دڵ گرتوویەتی بە کەس تەوەلا نابێ