بگری لەجێی منیش بگری
بەسەر یادگارییەکان بگری
وەک من بۆ تۆ چەندە گریام
تۆش وەکوو من بەدڵ بگری
بگری بەسەر ئەو شەقامەی جاران منت لەگەڵدا بوو
بگری بەسەر ئەو یادانەی تەنیا منت لە دڵدا بوو
بگری بۆ ڕۆژانێ هەرگیز جارێکی تر نایەنەوە
بۆ ئەو نیگا وەریوانەی بە ماڵی دڵ ناگەنەوە
بگری بەسەر ئەو وێنانەی بە خەندەوە دەمانگرتن
بگری بەسەر ئەو خەمانەی با ئامێزێکمان ئەمردن
بگری بەسەر تەمەنێکدا وەکوو خەونێک بوو تێپەڕی
هەرچی یادگاری و جوانی بوو وەک گەڵای پاییز بوو هەڵوەری