هەڵپەڕکێیە و زەماوەندە تۆش تاوێ دەستم بگرە
هەڵپەڕە تا ئەتوانی و دە وەرە ئەو چۆپییەی بگرە
گۆرانی بۆ تۆ دەڵێم توخوا نازە گوێ بگرە
لە هێلانەی دڵی من بنیشە قەت دوور مەفڕە
توخوا نازە دوور مەفڕە
هەڵپەڕە گوڵ هەڵپەڕە سەرچۆپی لە تۆ جوانە
ئەو شانەت لە شانم دە ئەمڕۆ خەنەبەندانە
هەڵپەڕە گوڵ هەڵپەڕە سەرچۆپی لە تۆ جوانە
بایدە دەسماڵی دەستت شایی و بەزمی کوردانە
خۆشی و هەڵپەڕینمانە
لە کوێ عاشقت هێناوە منت خستۆتە لاوە
هێندە ئازارت داوم ڕۆحم تێدا نەماوە
پرسیاری زۆرم لێت کرد وڵامێکت نەداوە
دڵڕەقی تۆ تا کەی دەمسووتێنی لەم ناوە
بە نیگای ئەم دوو چاوە
هەڵپەڕە گوڵ هەڵپەڕە سەرچۆپی لە تۆ جوانە
ئەو شانەت لە شانم دە ئەمڕۆ خەنەبەندانە
هەڵپەڕە گوڵ هەڵپەڕە سەرچۆپی لە تۆ جوانە
بایدە دەسماڵی دەستت شایی و بەزمی کوردانە
خۆشی و هەڵپەڕینمانە
جوانە باڵای لاولاوت بەناز هەڵبێنە چاوت
ئای لە زولفی ئاوریشمت لەگەڵ پەرچەمی خاوت
ئەم هەموو نازە دەچی کەی پێمان دەڵێی ناوت
عاشقێکی بێچارەمە بۆیە کەوتوومە داوت
داوی پەرچەمی خاوت
هەڵپەڕە گوڵ هەڵپەڕە سەرچۆپی لە تۆ جوانە
ئەو شانەت لە شانم دە ئەمڕۆ خەنەبەندانە
هەڵپەڕە گوڵ هەڵپەڕە سەرچۆپی لە تۆ جوانە
بایدە دەسماڵی دەستت شایی و بەزمی کوردانە
خۆشی و هەڵپەڕینمانە
ئەرێ باڵابەرز و نازارە، چاوڕەشێکی غەدارە
ئەسمەرێکی زۆر گەرمە، چاوبازێکی عەیارە
لە هەولێر و سلێمانی، لە هەڵەبجە و بیارە
لە کەرکووک و دهۆکێ وەک تازەبووک دیارە
ڕۆح و دڵی شەنگەیە لەسەر چاوی دڵزارە
شێتە، شێتی دڵزارە