ئای لە دڵداری، ئای لە دڵداری
ئاخر هەتا کەی هەر چاوەنواڕی
ئای لەو ژیانەی من بەسەرم برد
لە کاتی لاویم بە هەرزەکاری
ڕۆژ تا ئێوارە، شەو تا بەیانی
یارم ئەلاواند لەگەڵ گۆرانی
لە خۆشی باڵای یاری نازدارم
هاتوچۆم پڕ بوو لە کامەرانی
تاوێ بە تەمای نامەناردن بووم
تاوێ چاوەڕوان ڕاسپاردن بووم
تاوێ پەرێشان بۆ دیتنی یار
کاتێکیش بەینی ڕاگەیاندن بووم
ئای لەو نامانەی ئەدرانە دەستم
کە وا ئەیناردن یاری چاومەستم
داخی گرانم لاوی تێپەڕی و
بەڵام ئێستاکەش لەسەر مەبەستم