من و تۆ وەک خوڕە و هاژەی ڕووبارین
شنەی پاکی شەماڵی گوێ کەنارین
لە هەر جێیەک ئەوین ڕەشماڵی هەڵبدا
لەوێ سەرگەرمی دیداری بەهارین
من و تۆ لەم هەواری سەرزەمینە
مەراممان چێژ و سەرمەستی و ئەوینە
ئەوین گەر بە سۆز پێوانە بکرێ
بە قەد مەودای هەموو دنیای بەرینە
من و تۆ وەک خوڕە و هاژەی ڕووبارین
شنەی پاکی شەماڵی گوێ کەنارین
لە هەر جێیەک ئەوین ڕەشماڵی هەڵبدا
لەوێ سەرگەرمی دیداری بەهارین
کە ئێمە وەک گزنگی خۆرەتاو بین
بەرەو ئاسۆ لەگەڵ یەک تێکەڵاو بین
بە سەر کاروانی کازیوەی شەبەنگا
ئیتر بۆچی لەیەک پەرش و بڵاو بین
من و تۆ وەک خوڕە و هاژەی ڕووبارین
شنەی پاکی شەماڵی گوێ کەنارین
لە هەر جێیەک ئەوین ڕەشماڵی هەڵبدا
لەوێ سەرگەرمی دیداری بەهارین