وەرە کاڵێ لەوەتەی هەم منی ماندوو ڕێبوارێکم
جیهانی خۆم لێ ون بووە هەر دەمە و ڕوو لە شارێکم
شاری سۆز و خۆشەویستی ئۆقرە و دڵنەوازی شارێ
تا ئێستا نەهاتۆتە ڕێم لێی دابشکێنم سەرخەوێ
بەهارم زەرد، خەزەڵوەرێن، تۆفە، باهۆزە، زریانە
وەرزی تەمەنی بابردووم هاوینێکی بێ خەرمانە
وەرە کاڵێ لەوەتەی هەم بە دوای باوەشێکا وێڵم
خەم و کەسەری ساڵانی پێشوومی تێ بەجێ بێڵم
ئەوە ئێستا ئاسۆ گەشە هەردووکمان لە باوەش دەگرێ
بە تۆوە شاگەشکە دەبێ و لەگەڵ من لەبەر تۆ دەمرێ
وەرە کاڵێ لەوەتەی هەم بە دوای باوەشێکا وێڵم
خەم و کەسەری ساڵانی پێشوومی تێ بەجێ بێڵم