بەو بچیم بچیم، بەو بچیمەوە
داڵەهوو خوەشە یاران سەر بیەیمەوە
وەهارە ئازیز ئامان وادەی وەهارە
وەفرێ داڵەهوو یاران خاڵ خاڵ دیارە
تەبیعەت بەرگێ تازە کردە وەر
دونیا گوڵ گەشتە سەیر کەن سەرا و دەیشت و دەر
حەقمە گەر بۊشم ئازیز بەو بچیمەوە
داڵەهوو خوەشە ئیمساڵ بەو بچیمەوە
بەو بچیم بچیم، بەو بچیمەوە
داڵەهوو خوەشە یاران سەر بیەیمەوە
ئیڵیاتیی زەهاو یاران باربەنی بییە
وەرەو داڵەهوو ئازیز پێشواری چییە
هەو هەو و بەو بەو تەڵمیت بارانە
گەرمی بەزمێ نەزم یاران ڕەشدەوارانە
شەوی قرمزی و ئامان گوڵ گوڵی لە وەر
نازک ئەندامان چۊ بەڕەزای کەمەر
بەو بچیم بچیم، بەو بچیمەوە
داڵەهوو خوەشە یاران سەر بیەیمەوە
خوەی ئارایش داس ئامان ئێڵاخات لە نوو
کوچ و کوچبارە یاران وەرەو داڵەهوو
پڕ لە شادییە یاگەی هەواران
بەزمێ خوەشییە یاران لە ژیر دەواران
تۆ مەولا ئۊشم ئازیز بەو بچیمەوە
داڵەهوو خوەشە ئیمساڵ بەو بچیمەوە
بەو بچیم بچیم، بەو بچیمەوە
داڵەهوو خوەشە یاران سەر بیەیمەوە