خۆرنشینی ئاسۆی بەهار لە خوێناوی ئاوابوونە
وردە وردە دەچێتە خوار کڵپەی دوایی لە دەروونە
دەڵێ بوونی ئەو دونیایە وەکوو تیشکم دەتوێتەوە
کام شەوقی جوانیی رووی تێدایە* وەک هەناسەم دەبڕێتەوە
کام بەهار زۆر شۆخ و شەنگە کام ئاواتی دڵ قەشەنگە
کام دونیا پڕ لە خۆشییە دوور لە ڕەنگی ڕەشپۆشییە
ئێوارەیە دونیای جوانی وەکوو ساوایەکی دڵپاک
بزەی موژدەی سەر لێوانی ئارامە بۆ گیانی ڕووناک
منیش تەنیام لە قەدپاڵی* سەرنجم ونی ئاسۆیە
دڵی پڕم وەک مناڵێ خەیاڵی وا لە شوێن تۆیە
ئاخ تۆیە