ئاخ تا کەی وەک مەجنوون وێڵی هەردان بم
تا کەی هەڵوەدای ئەرێ باری هیجران بم
تەیرێک بووم بەسەر چڵی گوڵ فێر بووم
کوا فێری گەرمای ناو گەرمەسێر بووم
باقەی دەستەگوڵ، زاری و دڵگیریم
پەی پەی زیاد کرد پەژارەی پیریم
شەرتم ئەو شەرتە دەگەڵ تۆم کەردەن
خۆ من بازگەشت نیم هەتا ڕۆی مردەن
لێم گەرێ وای لێم گەڕێ تەختی جوانیت وەرگەڕێ
خۆ من دەسبەردارت نیم مەگەر شەرتم بپەڕێ
وەکی لە من قەوماوە یاخودا لە کەس نەقەومێ
لە وڵاتی موکریانێ کەس نێ هاواری بەرمێ
دایک و بابی لێوئاڵێ توورەن نامدەنێ نەرمێ
لەسەر ئەو حاڵەتەشدا زۆری لێ دەکەم شەرمێ
...غەم بە سەرم دەبارێ
هەڵناکەی لە دێهاتێ ساز بە دەتبەمە شارێ
نازانم کێ بنێرم تا بڕێکت بکا دڵداری
ڕازی نەبووی بەو کارە لێیان کردی ئیجباری
لێم گەرێ وای لێم گەڕێ تەختی جوانیت وەرگەڕێ
خۆ من دەسبەردارت نیم مەگەر شەرتم بپەڕێ