زەمانە

بڕوانە شەرابی مەستی چاوت
چڵ بە چڵ دەیگوشێرم زولفی خاوت
چڵ بە چڵ بیگوشێرم زولفی خاوت

لە گوڵدای کە وایە عەتری نەماوە
لە بێوەفایی تۆیە دڵم شکاوە
چاوکەژاڵ و شل و ملم لێ تۆراوە
چاوکەژاڵم بێهوودە لێ تۆراوە
زەمانە زەمانە پیری کردم
ئاوارەی کەژ و کۆساری کردم

جووتێک ساقی ئازیزم گوارە زیڕن
مەی لە مەیخانەی دەگێڕن
عاشقان لە دین وەردەگێڕن
کارمامزی دەشتی شارباژێڕن
زەمانە زەمانە پیری کردم
ئاوارەی کەژ و کۆساری کردم
خەجاڵەت بی یاڕەبی پیرت کردم

چاوت ئەستێرەی دەریازی
هەڵیان دێنی چەند بە نازی
بۆ کوشتنی عاشق ئاواتخوازی
بۆ کوشتنی ئەمن ئاواتخوازی
زەمانە زەمانە پیری کردم
ئاوارەی کەژ و کۆساری کردم
خەجاڵەت بی یاڕەبی بۆ تۆ مردم

ماڵیان بەرانبەر ماڵمانە
دێوانەی تۆم بەو قورعانە
دێوانەی تۆم ئازیزم بەو قورعانە
زەمانە زەمانە پیری کردم
ئاوارەی کەژ و کۆساری کردم

کاروانی خەم لەگەڵ بارگەی تێ خست
کاروانی خەم لە دڵ بارگەی لێ خست
پەیمانی دڵداریم لەگەڵدا بەست
زەمانە زەمانە پیری کردم
ئاوارەی کەژ و کۆساری کردم