
با ویژدانت ئاسوودە بێ
ئەمە یەکەم نسکۆ نییە تووشم دەبێ
زۆر جاری تر لە ناکاو بەجێیان هێشتووم
زۆر جاری تر فرمێسک بەر چاوی لێڵ کردووم
زۆر جاری تر لاپەڕەی هەستیان ژاکاندووم
زۆر جاری تر گوڵدانی دڵیان شکاندووم
با ویژدانت ئاسوودە بێ
تاڵاوی زۆر گلانی ترم نۆشیوە
زۆر جاری تر تێکشکانی خۆمم دیوە
زۆر جاری تر تەرمی هیوام دەس نەیارانم کەوتووە
زۆر جاری تر، زۆر جاری تر شکۆمیان پێشل کردووە
با ویژدانت ئاسوودە بێ
لە تۆ زیز نیم، لە خۆم تووڕەم
شین بۆ دڵسافی خۆم دەکەم
زۆر جاری تر پەنجەی ڕۆحم
بە پشکۆی عەشقا چزاوە
کەچی هەر دەستی بۆ دەبەم
با ویژدانت ئاسوودە بێ
ئەمە یەکەم نسکۆ نییە تووشم دەبێ
زۆر جاری تر لە ناکاو بەجێیان هێشتووم
زۆر جاری تر فرمێسک بەر چاوی لێڵ کردووم
زۆر جاری تر لاپەڕەی هەستیان ژاکاندووم
زۆر جاری تر گوڵدانی دڵیان شکاندووم
با ویژدانت ئاسوودە بێ