تۆ داوات کرد ئەگەر بکرێ لە داهاتووی ژیانم
هاوڕێم بی، هاوبەش بی لە خۆزگە و خەونەکانم
وتت گوایە کە خۆشحاڵی هەمیشە هەر لەلام بی
لەگەڵ مندا تا ئەو کاتەی ئەمەوێ بەردەوام بی
بۆ تۆ وەڵامی من تەنیا پرسیارە
گوێم لێ بگرە ئازیز زۆر سادە و ساکارە
زۆر سادە و ساکارە
ئەگەر پێت وایە ئامادەی
دڵنیای زۆر تا ئەو ڕادەی
بەڵێنی ڕاست نەبێ، نادەی
لە نیوەی ڕێگە لا نادەی
ئەوسا بۆت هەیە بێیت و لە دەرگا دەی
لە دەرگا دەی
لەگەڵ یەکتر کراوە بین
دوو ڕووبار یەک سەرچاوە بین
هەرچی ڕوویدا بە هەر نرخێک
نەبێ هەرگیز شاراوە بین
بە مەبەستی، بە هەستی
بە ڕاستی، بە پاکی، بە چاکی
تا هەمیشە براوە بین
بۆ تۆ وەڵامی من تەنیا پرسیارە
گوێم لێ بگرە ئازیز زۆر سادە و ساکارە
زۆر سادە و ساکارە
ئەگەر پێت وایە ئامادەی
دڵنیای زۆر تا ئەو ڕادەی
بەڵێنی ڕاست نەبێ، نادەی
لە نیوەی ڕێگە لا نادەی
ئەوسا بۆت هەیە بێیت و لە دەرگا دەی
لە دەرگا دەی