جادە چۆڵ و سێبەر بوو، کات بەیانی
بەیانی
ئەڕۆییشتم خەیاڵاوی ئەمڕوانی
وەی ئەمڕوانی
بۆ سەوزایی دەوروپشتم، بۆ ئاسمان
بۆ شاخی بەرز، خانووی تازە و دنیای جوان
ئەڕۆییشتم بە ئەسپایی، کش و مات
لاشە سست و دڵ کەیلی تاسە و ئاوات!
تاسە و ئاوات
جادە چۆڵ و سێبەر بوو، کات بەیانی
بەیانی
ئەڕۆییشتم خەیاڵاوی ئەمڕوانی
وەی ئەمڕوانی
لەپڕ، نازانم چۆن سەرم هەڵبڕی
بەرامبەرم بەژنێ دەرکەوت وەک پەری!
لەگەڵ ئەوەی لە عاباوە ئاڵا بوو
لە دیمەنی شیرینی ئاشکرا بوو
ئاشکرا بوو
باڵابەرز و بچکۆلەپێ و ئیسکارپین
گۆرەوی و پووز: سفت و سپی و ئاوریشمین!
ئەڕۆییم و دزەی نیگام جارجارێک
لە ژێر عابای ڕەشا ئەیدی نازدارێک
وەی نازدارێک
جادە چۆڵ و سێبەر بوو، کات بەیانی
بەیانی
ئەڕۆییشتم خەیاڵاوی ئەمڕوانی
وەی ئەمڕوانی