قامەتم لە ژێر باری غەم چەمی
مردنم فەرزە لە هاوسەر/هاوسا کەمی
مردن خۆشترە لە هاوسەر/هاوسا کەمی
مردن فەرزە بۆم تاقەجارێکە
تانەی بەدکاران گۆڕەفشارێکە
تانەی ناکەسان گۆڕەفشارێکە
چ سەرنویشتێ، چ قسمەتێ بوو
چ بەدبەختی بەخت، چ خەفەتێ بوو
چ ڕۆژێ ڕەش بوو، چ ساعەتێ ڕەش
کە گۆنای تۆم دی وەک ئەستێرەی گەش
خۆزگەم بەو کاتەی کەوتمە داوت
ئەسیرت کردم بە زولفی خاوت
ئەسیرت کردم دەی مەڕۆ لێوئاڵ گیان بە زولفی خاوت
سوێندم بە باڵای بەرز و باریکت
بە تاڵی زولفی ڕەش و تاریکت
نە خەو، نە خۆراک نازانم چییە
لە دووریی باڵات ئارامم نییە
تۆ بیت و خودا لە من مەگرە قین
مەمڕەنجێنە قەت، چەرخ و چاو شیرین
جێم بدە لە ناو سینە و مەمانت
بمکە باغەبان باغی گوڵانت
مەهێڵە بخنکێن ئەو دوو بوڵبوڵە
بێرە ئاویان بەین لە خوێن ئەو دڵە
...** من بوتپەرستم
لەسەر تۆ سوورە باوەڕ و هەستم
کەس تر نییە جگە تۆ هەر تۆی مەبەستم
کەس تر نییە جگە تۆ دەی مەڕۆ لێوئاڵ گیان هەر تۆی مەبەستم