> هونەرمەندان > حەسەن زیرەک > نایلۆنە (لایلۆنە)
حەسەن زیرەک

نایلۆنە (لایلۆنە)

بە دەنگی: حەسەن زیرەک
ئەلبۆم: ڕادیۆ تاران
شێوەزار: سۆرانی
137
داگرتن
کادەروێشی کوێستانێ وەرنە سەر خیابانێ
بە مەشموولیان نووسیوم ئەی وەی لە دەفتەری تارانێ
ئەی وەی نایلۆنە بابم نایلۆنە
نایلۆنە ئای نایلۆنە نایلۆنەکەم حەریرە
جەرگم هەمووی لەت لەتە ئەی وەی برینداری سێ تیرە
ئەی وەی نایلۆنە بابم نایلۆنە

کادەروێشی کوێستانێ بۆ من بچنە تکایە
هەوار و داد من چی بکەم ئەی وەی لە دەس بابی لەیلایە
ئەی وەی نایلۆنە بابم نایلۆنە
نایلۆنە ئای نایلۆنە نایلۆنەکەم حەریرە
جەرگم هەمووی لەت لەتە ئەی وەی برینداری سێ تیرە
ئەی وەی نایلۆنە بابم نایلۆنە

کادەروێشی کوێستانێ بەسیەتی پەڵپ و بەهانە
جەرگم هەمووی لەت لەتە و ئەی وەی برینداری دەبانە
ئەی وەی نایلۆنە بابم نایلۆنە
نایلۆنە ئای نایلۆنە نایلۆنەکەم حەریرە
جەرگم هەمووی لەت لەتە ئەی وەی برینداری سێ تیرە
ئەی وەی نایلۆنە بابم نایلۆنە

چاوت ئەستێرەی شەوێ کوڵمەت دەندووکی کەوێ
باسکم بۆ بکە بە سەرین نەرمۆڵ بە جووت خەومان لێ بکەوێ
ئەی وەی نایلۆنە بابم نایلۆنە
نایلۆنە ئای نایلۆنە نایلۆنەکەم حەریرە
جەرگم هەمووی لەت لەتە ئەی وەی برینداری سێ تیرە
ئەی وەی نایلۆنە بابم نایلۆنە
کادەروێشی: لکێکن لە عەشیرەتی مەنگوڕ. لە جوانیدا بەناوبانگن. بەکارهێنانی ئەم وشەیە برێتییە لە جوان و چەلەنگ (سەرچاوە فەرهەنگۆکی گۆرانییەکانی زیرەک – دارا بێخەم).
نزیک حەفتا ساڵ پێش مەنگوڕەکان تەنیا عەشیرەیەک بون کە تەنیا ” کادەروێش (سەرۆک عەشیرە) بەرپرسیایەتی وانی دەکرد کە ناوی ” باپیر ئاغا ” دەبێ. بەڵام لەو سەردەمەدا مەنگوڕەکان ٢١ بەش یا تیرەن و هەر بەشێک کادەروێشی تایبەت بە خۆی هەیە. بەڵام هەر کەسێک بەرپرسی یەکەمی عەشیرە بێ هەر ٢١ کادەروێش دەکەونە ژێرفەرمانی وی و دەبێتە خاوەنی ناوێکی مەزن هەروەها حوکومەتی ئێران باجی ساڵانەی خۆی لەو ٢١ کادەروێشە وەردەگرێ و کاری بەوە نیە کە کێ هەژارە و کێ دەوڵەمەند هەرکام دەبێ باجی خۆی بدا. (سەرچاوە: ماڵپەڕی ڕۆژی کورد).
سێ تیرە: 'برتیە' یان 'سێ تیرە' جۆرە چەکێکی فەرەنسییە کە لە سەردەمی شەڕی جیهانیی یەکەم لەلایەن سوپای فەرەنسی کەڵکی لێ گیراوە و وەک دیارە دواتر لە کوردستانیش بەردەست کەوتووە و بەو هۆیەوە کە هەر جارە توانراوە سێ فیشەک لە فیشەکدانی بئاخێنرێت نێویان ناوە سێ تیرە.