بەجارێ ماڵی وێرانم بەسەر چوو وەعدەیی ژینم
بە ناکامی لە دنیادا بە با چوو عومری شیرینم
ڕەفیقان توخوا یەک یەک لە دەورم کۆمەڵێ بگرن
بە یادی کەن زەمانی زوو ژیانی ساڵی پێشینم
بە خاکی گۆڕەکەم سوێندتان ئەدەم ئەی هەمنشینانم
لەگەڵ تابووتەکەم سەف سەف بە مەحزوونی بتانبینم
بەجارێ ماڵی وێرانم بەسەر چوو وەعدەیی ژینم
بە ناکامی لە دنیادا بە با چوو عومری شیرینم
وەسییەت بێ لە سەیوانا بچن تەسلیم بە خاکم کەن
بە تاوی زوڵفی لەیلا بێ دروونی کفنی ڕەنگینم
لەناو قەبرا دەمم پرکەن لە خاکی ڕێگەکەی یارم
نەوەک ئاسمان بسووتێنێ هەناسەی جەرگی خوێنینم
بەجارێ ماڵی وێرانم بەسەر چوو وەعدەیی ژینم
بە ناکامی لە دنیادا بە با چوو عومری شیرینم