حەسەن کاکایی

ئاگری دڵ

بە دەنگی: حەسەن کاکایی
شێوەزار: سۆرانی
237
ناهەقی مەگرن ئەگەر دڵ ئاگری تێ بەر بووە
کێ دەزانێ ئەو دڵەی من ساڵها چی چەشتووە

عومری لاویم تێپەڕی خۆشیم نەدی ڕۆژێ لە ژین
چەرخی چەپگەرد بۆ منی کورد مەیلی هەر وا کەم بووە

من لە شاری خۆم غەریب و هەست بە نامۆیی دەکەم
ساڵەها ئەژنۆی خەمانی خۆم لە ئامێز گرتووە

توخودا ئەم خاکە نرخی خوێنی سووری بۆ درا
سەد هەزار لاوی وەکوو من خوێنی جەرگی ڕشتووە

بەسیە بێگانەپەرەستی ڕوو لە قیبلەی خۆ بکەن
ڕوو بە بوتخانەی غەریبان نوێژی چیو دابەستووە؟

من کە قیبلەم نیشتیمانە و خاکی پاکی زێدەکەم
بۆیە بەرماڵم بەرەو قیبلەی ئەوین ڕاخستووە
هۆنراوە: کاوە داشبەندی