هەی گدی دنیایێ!
دنیا ب خوەشی و ب زلم بوو!
ما قەی تو تێرا ئینسانا ناکی؟
تە ئینسانێن خوەش و دەلال چێکرییە و ب ئافراندی
بۆ چ چاڤێ ئینسانان بار و تێر نابێ؟
گەهـ ل سەر تە خوەش دکن و
گەهـ دوومان و ئەورێ رەش و تاری ب سەر تە دە دبارینن؟
هەڤدو دقەلینن
هەی گدی ئینسان! بۆ چ چاڤێن تە تێر و بار نابێ؟
ما رووکێ دنیایێ تێرا تە ناکێ؟
پێر ناگازاکی، هرۆشیما؟
دۆهـ ل ڤییێتنامێ؟
و ئیرۆ ل گولستانێ
ما هەلەبجە هندکە
سال 1988، مەها ئادارێ
گولێ نەورۆزێ دسا دپشکڤین
ئەورێن رەش و تاری ل سەر نەورۆزادا هاتن
بە کێف و شاهی، بێ خوەشی نەورۆزا دیسا سەرێ خوە بارکرن
و تۆڤێ خوە بەردا بنێ ئەردێ دان
ژ بۆ جارەک دن شین وەرن
هەی لێ لێ وەی لێ لێ
فەرمانە
هاوار، هاوار، هاوار، هاوار
دیسا ل مە فەرمانە
ل ژۆر تێتە گرە-گر و هومە-هوما باڤرۆک و تێیارانە
هەر دەر خستیە ناڤا ئاگر و مژ و دوومانە
ل ژێر تێتە قیرە-قیرا زارۆکان، هاوارا دایک و باڤانە
دیسا دیرۆک خوە نوو ڤە دکە وەکە جارەک ژ جارانە
وەکە دیاربەکر، وەکە پالۆ و گێنج و ئاگری، دێرسم
وەکە ماهابات و وەکە بەرزانە
ئیرۆ دیسا ل دەشتا سلێمانیێ، ل کێلەکا هندرین، ل باژارێ هەلەبچێ
فەرمانا مە کوردانە،
فەرمانە، فەرمانە فەرمانە فەرمانە فەرمانە…
دیسا هاتن قەلاندن زارۆک و زێچ تەڤ دایک و باڤانە
ئاخ هاوار، هاوار، هاوار، هاوار…
ل مە فەرمانە، فەرمان ئێ
ل من ئای، ئاخ بریندارێ وە مە
ئەرێ هەی لێ لێ لێ لێ…
هەی لۆ لۆ…
هاوار کوردنۆ هوونێ بکن بلەزینن
هوونێ کاخز و پێنووسەکێ ببینن بنڤسینن
دنیا ئالەمێ پێ بهەسینن
سەرۆک و رێبەرێن کوردا ل هەڤ بینن
بلا یەک ب یەک بن ژ هالێ مە رە تشتەکی ژ دنیایێ رە بننڤسینن
بلا خەلک و ئالەما پێ بهەسینن
دا کو چارەکێ ژ هالێ مە کوردان رە ببینن
مە ژ بن ڤێ بندەستیێ دەرینن هاوار هاوار…
هەیفا گولستان کو ئیرۆ دشەوتینن
ئاگر ل سەرێ مە کوردان دبارینن ئاخ دە ئای ئای لۆ لۆ
ئاخ دە ل من بریندارێ وە مە گشا ئاخ ئاخ