دەردت لە ماڵم نەسرین دانیشە تێر تێر بگرین
ماڵکاول کوڕیان بمرێ بێهوودە لێکیان کردین
جا ئەتۆ سەرمەت و کەیفی ئەمنیش غەمبار و غەمگین
چەندی لێ پاڕامەوە ئاوڕی لێ نەدامەوە
لە نەخۆشخانەی مڵکی بێ دوکتور دەتلامەوە
زۆر نەخۆش بووم کەژاڵ گیان نەکرا بێی بە لامەوە
قەت لە دنیادا نەبوو بێجگە لە ناخۆشی بەشم
مات و داماو و پەشێو و بێکەس و چارەڕەشم
سەردەمێک ئاوارە بووم و موددەتێکیش دەربەدەر
نەمدی ڕووی ئاسوودەگی هەر تووشی گێرە و قەرقەشم
ئاخ کوشتوومی شەش خانی ئومێدی لە من گرتووە حەریف
مۆرە هەڵداوێم و بێهوودە بە هیوای دوو شەشم
تیغی بێمەیلی و جەفای ئەو نازەنینە دڵڕەقە
جەرگی لەت کردووم بە جارێک ئەنجنیویە سینەشم
خۆشەویستی گۆشەی تەنهایی هەر ئەژنۆکەمە
بۆیە ڕۆژ و شەو وەها گرتوومەتە نێو باوەشم
نابینی زەردە لەسەر لێوی کەسێ لەو شارەدا
تا غەم و دەردی دڵی خۆمیان بە سەردا دابەشم
زۆر عەیبە و زۆر ئیرادە دینت بردووم بە بادا
گوڵەکەم فەرمووی دە بڕۆ تۆ گەدای من شا لێم لادە
خۆ من بۆخۆم ڕازیمە بابم من بە تۆ نادا
تاکوو لە دنیا ماوی جا بڕۆ شێت و شەیدا بە
چەندی لێ پاڕامەوە ئاوڕی لێ نەدامەوە
لە نەخۆشخانەی کەوتووم بێ دوکتور دەتلامەوە
زۆر نەخۆش بووم کەژاڵ گیان نەکرا بێی بە لامەوە