لەبەر بەهاری ئەوساڵ بەهارێکی پڕنوورە
بەهار وڵاتی داگرت هاتە دەر گوڵەسوورە
بەفر کەوتە بناران زانیم بەهار مەقبوورە
هاتن تەیری گەرمێنێ تێکەڵ بوون هەموو جوورە
لەبەر فرمێسکی بەفرێ دەشت و گۆم داوەستاوە
دەشت و گۆماوی پڕ کرد شەت و ڕووبار و ساوە
قاز و قورینگ و مراوی لە سەیری ڕاوەستاوە
چەند خۆشە لەگەڵ تەیران کە هاودەم بی ئێواران
لە سەیری خوڕەی چۆمی شکۆفەی گوڵ و داران
بولبول شاد و دڵخۆشە لەبەر ڕۆژ و نزاران
بولبول شاد و دڵخۆشە دەخوێنن وەکوو جاران
*؟ ناوێ کانیاوی پشتی خانێ
چۆمی *؟ و دووئاوان گرتی دەشتی لاجانێ
دڕا سەرچاوەی کەڵوێ بردی گوڵی نیسانێ
جەننەتی ڕووی زەمینە خاکی سەردەشت بەهاران
چیا و دۆڵی نابینی لەبەر شکۆفە و داران
کانی و ئاوی نابینی لەبەر سێو و هەناران
لەسەر پەلکی گوڵانە نەرمە خوناوکەی باران
لەبەر بەهاری ئەوساڵ بەهارێکی پڕنوورە
بەهار وڵاتی داگرت هاتە دەر گوڵەسوورە
بەفر کەوتە بناران زانیم بەهار مەقبوورە
هاتن تەیری گەرمێنێ تێکەڵ بوون هەموو جوورە