تا کەی ناڵەکەم چون ناڵەی نەی بێت
ئەرێ ئەزیز دڵەکەم
تا کەی ڕەنگەکەم وەک زەردی بەی بێت
ئەرێ ئەزیز دڵەکەم
تا کەی فریشتەم چاوی لە خەو بێ
تا کەی ڕۆژی ڕوون لەلای من شەو بێ
تا کەی بڵێسەی قوربان گیانم لە تاو بێ
تا کەی خوەراکم گیانە خوێن و زووخاو بێ
تا کەی ئاگری دەروونم گەش بێت
ئەرێ ئەزیز دڵەکەم
تا کەی لە شادی دڵم بێبەش بێت
ئەرێ ئەزیز دڵەکەم
تا کەی مەینەتکێش، دەردم کاری بێت
تا کەی ژیانم بێقەراری بێت
تا کەی گەرد و خاک قوربان ڕێی تووناوتوون بم
تا کەی بادنووش گیانە جامی مەجنوون بم
تا کەی دێوانە لە کۆساران بێ
تا کەی فرمێسکم تاوی باران بێ