کوردستان ئەی نیشتمانم
هێزی دڵ ئارامی گیانم
جێی سەربڵندی و شانازی
تا دڵ دەخوازێ دڵخوازی
مێشکم، هەستم، بیرم، ژینم
بۆ تۆن ئەی گیانی شیرینم
گوڵی پشکوتووتی بێ پاییز
سیس نابی و ناوەری هەرگیز
تا زیندووم هەر تۆی مەبەستم
خۆشم دەوێی دەتپەرەستم
مێشکم، هەستم، بیرم، ژینم
بۆ تۆن ئەی گیانی شیرینم
بشمرم لەشی بە گڵ بوو
دەڕوێنێ چەند گوڵ و دڕوو
گوڵم بۆ دەستی دڵدارت
چقڵم بۆ چاوی بەدکارت
مێشکم، هەستم، بیرم، ژینم
بۆ تۆن ئەی گیانی شیرینم
کوردستان ئەی نیشتمانم
هێزی دڵ ئارامی گیانم
گیانیش دەفڕێتە عاسمانت
ئەوسا تێر دەکا سەیرانت
مێشکم، هەستم، بیرم، ژینم
بۆ تۆن ئەی گیانی شیرینم