پەرێشانم من دەناڵێنم فرمێسکی چاوان دەبارێنم
هەموو عومری خۆم لەسەر دانا لە تاوانت بووم بە دێوانە
نازانم چۆنی بکەم چارە دەرمانی ئەو دڵە بیمارە
بە بێهوودە شێت و هەژارم بە دەردی دڵ من گرفتارم
دەڵێن مەجنوون جەوری کێشاوە لە دوای لەیلا ڕۆحی داناوە
گوڵم چت کرد چۆن دەبێ وا بێ دڵی مەجنوون شێتی لەیلا بێ
نازانم چۆنی بکەم چارە دەرمانی ئەو دڵە بیمارە
بە بێهوودە شێت و هەژارم بە دەردی دڵ من گرفتارم
دڵم شێوا کێ بوو شێواندی گوڵم شەمزا کێ بوو شەمزاندی
ئەوە لەیلا کۆچ دەکا لێرە نەما گوڵشەن خێڵ بەرەوژێرە
نازانم چۆنی بکەم چارە دەرمانی ئەو دڵە بیمارە
بە بێهوودە شێت و هەژارم بە دەردی دڵ من گرفتارم
فەلەک ئامان چەرخی دەورانت شەو و ڕۆژ و کار و میزانت
ئەگەر جارێ لەو هەموو جارە بەڵێنی دڵ خۆت بدە یارە
نازانم چۆنی بکەم چارە دەرمانی ئەو دڵە بیمارە
بە بێهوودە شێت و هەژارم بە دەردی دڵ من گرفتارم