تەسنیفی سەعیدی ئەفشار؛ ئەی باڵابەرزی نەرم و شل:
ئەی باڵابەرزی نەرم و شل
ئارامی گیانی جەرگ و دڵ
بە غەمزی چاوی پڕ لە کل
تەوقی سەوداییم کەوتە مل
جا نازەنین، هۆریی زەمین، مەرحەم برین تا کەی زاری
تا کەی گریان، جگەرسووتان بووم بە بریان بە ناچاری
بە ناچاری
گۆرانیی هەوریلار؛ تەسنیف شارگە:
سەد جار بەو مانگەی هەوریلار خەرمانەی داوە
هێشتا مەیلی تۆم باڵابەرز وە کەس نەداوە
ئای کوڵەنجە ڕێ ڕێ دەسماڵ تان و پۆ
من کفرم نەکرد هەوریلار مەیلم دا بەتۆ
گۆرانیی دەچمە سەر ناڵەشکێنێ:
دەچمە سەر ناڵەشکێنێ چاوجوانێ بەرانبەر بە میاندواوێ
یاری من هەندە جوانە چاوکاڵێ نەشمیل گیان سووراو سپیاوی ناوێ
سپیاو سووراوی ناوێ
گۆرانیی تەماشا چ زەرد و لەڕ و ڕەنگبڕاوم:
تەماشا چ زەرد و لەڕ و ڕەنگبڕاوم
وەکوو داری بێ ئاو شکستە و شکاوم
ئای گوڵی من، سەروەری من
ئاگرت بەردایە دڵی من
گۆرانیی ئەی خزمینە مەنعم مەکەن:
ئەی خزمینە مەنعم مەکەن وەسفی چاوی جوانم بۆ بکەن
کوشتوومی خوێنم گوم مەکەن نارنجە نا تورنجانە
خۆشە باخەکەی بۆکانە شینە شەمامەی بێستانە
گۆرانیی دلبەری من سەروەری من:
ئەو ڕەزە جوانە پڕ لە هەنجیرە
خواردنی یارم شەکر و شیر و پەنیرە
خواردنی لەیلێ شەکر و شیرە و پەنیرە
دلبەری من گیانە سەروەری من
بە ڕووی نازەوە جارێ بێ بمبینە
خەتای خۆت نییە وەک نایەی بابت بێ دینە
گۆرانیی شەدەشل بۆچ وات کرد چاوبەکل بۆچ وات کرد:
لە سیلەی شێخ مەولانا باخچەیە یا دووکانە
یارم ئارامی گیانە شەدەشل ئەرێ بۆچ وات کرد
چاوبەکل گیانە ئەرێ بۆچ وات کرد
کێت گرتووە بە یار حەیات مەیلی منت سارد کرد
ئەمنت ڕەنج بە خەسار کرد
گۆرانیی سابڵاغ شارێکی خۆشە دوور بێ لە چاوەزاری:
سابڵاغ شارێکی خۆشە دوور بێ لە چاوەزاری
هەر شارێ یاری تیا نییە یاخوا بەردی لێ بارێ
گۆرانیی کوڵەندە کوڵەندە:
کوڵەندە کوڵەندە کوڵەندە بە کوڵەندەکەی بەیانی
ئەی کوڵەند و بڵندی کوڵەندە بە کوڵەندەکەی بەیانی
سۆلی ڕەشی وا لە پێدا ورد ورد ئەچێ بۆ کانی
سۆلی ڕەشی وا لە پێدا لەنجە ئەکا بۆ کانی
گۆرانیی لە خرنگە خرنگە کچەی دەی:
لە خرنگە خرنگەی کچە دەی دە وەرە دەی خرنگەی جانانە
دەسم بەر *؟ کچە دەی دە وەرە دەی بۆ ناو مەمکانە
وەی وەی بۆ سەر کوڵمانە