خاسەکەو و لە دنیادا نییە وەک من

خاسەکەوێ لەو کەژە هەڵنیشتووە
خاڵی ڕەش و سووری بە جووت ڕشتووە

ڕاوچی هەموو لەو کەوە دەرکەوتووە
بۆچی چییە؟* جەردەیە؟ کێی کوشتووە؟

کێهە کەسی ئەو لە ژیان خستووە؟
ماڵ و مەڕ و زێوەری کێی بردووە؟

باعیسی قەتڵی چییە؟ بیستوویەتی
ژینی بە سەربەستییە، ویستوویەتی
داوی چەقاند تاوەکوو ئەو پێوەبێ
چاڵکەنە خۆی پێوە دەبێ، جێ بەجێ

بۆچی کەویش مافی ژیانی نییە؟
حەققی کەژ و کێوی جوانی نییە؟
ئەرێ ساحێبی* ئەو کێو و کەژە هەر کەوە
نەزم و نیزامی کەژ و کێو هەر بەوە
لێی گەڕێ با باڵ و پەڕی جوان بکا
لەو کەلە با بانگی ڕەفیقان بکا
بێنەوە کانیاو با* بخۆن ئاوی ساف
بۆ گوڕەیێک سەریان بنیێنە مەساف

خاوەنی ئەم خاسەکەوەش هەر دەڵێ:
ڕاوچی دەبێ لەم کەژ و کێوە هەڵێ

خاسەکەوێک لە بەندەنێ
دیتم سەیر* پێدەکەنێ
بە چی، بە کێ، بە من، بە تۆ
بە بڕواری وا بێ پار و پۆ*
گوتم *؟*
چۆن لەو خاکەدا دەخوێنن*
هەرکەسێک تەنیا ماوە*
داویان لە ڕێگا ناوە*
بە دەندووک پێوە بوو کەو
ڕۆژی ڕووناکی بوو بە شەو
یەک لێرە، یەکوو لەوێ
یەک کەونەوە، لە منوو کەوێ

ساقیا جەرگم بڕا، جەرگم بڕا
بێرە لام، بێرە لام بەرگی ئومێدم دادڕا

کانی خوێن و خوێن دوو چاوی سوێرمن
کاغەزم کێڵگەن، قەڵەم ئاودێرمن
من لەو شەوانە شەوارم کردەوە
لە هەوارانە هەوارم کردەوە
هاودەمی ڕۆژ و شەو و کار و سەعات
دۆست و هاوڕێی نیشتمان و کارەسات
بولبولی خەمگین نەواخوانی منە
ئۆف ئێش و برکی گەل هەموو ژانی منە

لێڕەوار و جەنگەڵ و سەرهەرد نەما
زەرد و ماه و ئەستەم و بنبەرد نەما
جێ نەما سەر لێی نەدەم ڕووی تێ نەکەم
تا ورینگەی تۆ هەڵیکرت شوێنەکەم
من بە دووی ئەو دەنگەدا بەژنم لەری
خۆم تەکاند و دارێ بووم میوەم وەری

سزای هەر سەربڕینە موو لە حەددی خۆی کە تێپەڕ کا
هەقی پاچینە دارێک بۆ نەمامێ تر کە سێبەر کا
سنووری خۆی دەپارێزن، بەڕێزن، بێخەمن، شادن
برۆ و برژانگ دەبینی وا لە تیغ و قەیچی ئازادن
کەسێک دەستی درێژ کا خۆشە پەلپەل بێ
کەسێک لاقی بە خوار دانا چ خۆشە زووبەزوو شەل بێ
کەسێک هات و تەجاوز کا نەزانی حەددی خۆی کامە
هەزار ئەوەندە گەورە بێ بزانە شێتە، کەمفامە

ساقیا من نوقمی دەریای مەینەتم
زۆر گرانە باری داخ و حەسرەتم
ئۆف من بە قەد ئەو کێوە دەرد و ژانم هەموو
ئێش و برک و دەرد و کوڵ میوانم هەموو
لێڵە ئاوی ڕوونی چاوەکانی من
دوایی نایە دەردی بێ دەرمانی من
چۆن نەکەم
چۆن نەناڵم چۆن نەکەم ئەو زامە هەست
من هەوێنی گشت ئەوینم دا لە دەست

لە دنیادا نییە وەک من بە عیشقی ئەو گرفتارێ
سەر و ماڵم لە ڕێی دانا ئەویش لوتفی نییە جارێ
هەژار و دەربەدەر ڕۆژێ لە کووچە و قوژبنی شارێ
ئەمان ڕەفیق عیلاجێک سا لە ڕێی پەیغەمبەرا چارێ
ویسالە، قەتڵە *؟ بە هەمووان بۆم بکەن کارێ

هەموو کەس پێم دەڵێن شێتی کە وا خۆت مەحو و بەربا کرد
لە ڕێی ئەو خاکەدا فەوتای و سەد لکەت کە پەیدا کرد
چ سوودێکی *؟ ئەوەندەت جەنگ و دەعوا کرد
خودا کوانێ لە دنیادا قەدری ئینسان و خەریدارێ

لە کۆڕی عیشق و دڵداری هەتا زوو دەربچین چاکە
هەموو ڕەنجم بە فیڕۆ چوو لەگەڵ ئەو شۆخە بێباکە
ڕەزیل و سووک و ڕسوا بووم وەرە حاڵم تەماشا کە

خودایە بۆچ لە دنیادا بەشی من شین و گریان بێت
عەدەم لەو ژینە خۆشتر بوو عەریزەم خۆ نەدابوو پێت
هەمیشە وێڵ و دەربەدەر بە سەودای عەشقەوە وەک شێت
سەبا یارانی مەجلیس گەر هەواڵی من دەپرسن لێت
بڵێ کێشایە مەیخانە دوو چاوی بێچووە عەییارێ

سەفا دوورە لە ئینسانی زرنگ و عاشق و شاعیر
بەشی هەر دەرد و زووخاوە دەروونیش گەرمە وەک ئاگر
چ دڵسەختێکە تووشی بووم نەجاتم دەی خودای قادر

برام کەوتوومە بەر لیسی زەمانە و چەرخی بەدکردەی
بە ناشکوری نەبوو ڕۆژێک ئەگەر بۆخۆم بڵێم ئۆخەی
عیلاجی دەردی دڵ نایە بە عوود و ڕوود و جامی مەی

هەزاران ڕەحمەتت لێ بێ لە شێعرا چەن تەڕ و وردی
عەزیزم موستەفابەگ تۆ نەمردووی کێ دەڵێ مردی
جوابی وایە 'بێکەس' بەس بڵێن تەقدیری بۆ کوردی
دوڕ و یاقووت دەبارێ لەو کەلامە شیرنەی کوردی