کێ بوو کێ بوو لەبەر شۆستەی
کانی عیشقا منی تەڕ کرد
بە زایەڵەی باسی ئەمڕۆ
پاشەڕۆژمان گوێمی کەڕ کرد
ئەتۆ نەبووی پێت دەوتم
بۆ تینوێتیت جامێ ئاوم
بۆ برسێتیت لەتێ نانم
با تاریکیت مۆمە چاوم
ئەگەر ئاوای کوانێ سووتان کوا ڕەشماڵی سۆند و گریان
بۆ پێم ناڵێی مردن کۆستە یا مردنی لێک دابڕان
کێ بوو کێ بوو پێمی دەوت گوڵشەنی دڵ لەبەر پێتە
نەوەک باغی پێڵۆکانم تکەی لێوم شوێن و جێتە
ئەتۆ نەبووی پێت دەوتم *؟ ڕەش بێ
بۆ ئەو ڕێیە، بۆ ئەو ماچە شووشەی چاوم هەزار بەش بێ
ئەگەر ئاوای کوانێ سووتان کوا ڕەشماڵی سۆند و گریان
بۆ پێم ناڵێی مردن کۆستە یا مردنی لێک دابڕان
کێ بوو کێ بوو بە چڵۆسکێ خۆڵەمێش شەرمی پژاند
بە نیگایێ لە دەروونمان زرێبارێ غەمی ڕژاند
ئەتۆ نەبووی پێت دەوتم با سەرنجت پڕ تاسەت بێت
ڕۆژێک دابێت ئەو چاوانە پڕ شەونمی هەناسەت بێت
ئەگەر ئاوای کوانێ سووتان کوا ڕەشماڵی سۆند و گریان
بۆ پێم ناڵێی مردن کۆستە یا مردنی لێک دابڕان