بمبینەوە بمبینەوە
من سەرێکم نازەکانت بۆ هەڵدەگرم
من دڵێکم بەرگی بەری تاسەکانت لە ژانی خۆم بۆ هەڵدەدڕم
بمبینەوە بمبینەوە
من سیحرێکم کە ماچت کەم
سەر دەردێنێ و فڵچک ئەگرێ
تەلیسمێکم وشەکانم خۆشاوێکت پێ دەنۆشن
هەر خۆش بژی هەرگیز نەمری
بمبینەوە
دڵدارێکم نامەکانت لە ئەلبومی یادی منا
بمبینەوە نامەکانت لە ئەلبومی یادی منا ڕاکشاون
جێگە نووکی خامەکانت بەرامبەری کەللەی گەرمی عەشقبازیم هەمیشە وا حەپەساون
بمبینەوە
ڕێبوارێکم ئەرکی تۆ گەلێ گرانە
ئازارەکان تەنیا بە من دەتوێنەوە
ڕێبوارێکی هەرزەکاریت پڕ لە یادی تفت و تاڵە
تەنیا بە من دەخورێنەوە
ئەی کچی کۆک منیش وەک تۆ تینوویەکم
بە فرمێسکی دەروون نەبێ بڕم ناشکێ
بەهار نەیێ بە گوڵ نەبێ بڕم ناشکێ
تاکوو لەسەر سنگی نەرمت شەو نەخەوم بڕم ناشکێ
تا لە کۆشی ئەویناوی تێر نەسرەوم بڕم ناشکێ