هەردوو چاوم فرمێسکڕژێنە ئەمشەو
سۆز و ناڵەم جگەرسووتێنە ئەمشەو
تەمی زوڵفت لەسەر ڕووت لادە بۆیە
مانگی چاردە بێ سەر و شوێنە ئەمشەو
بە شانەی کردووە پەرچەم سەیر کەن
سلەیمانی گوڵاوپرژێنە ئەمشەو
لە مەستی چاوی مەستی تۆ ئەزیزم
دڵەی مەستم بێ سەر و شوێنە ئەمشەو
دەروونم بۆچەکی سووتاوی لێ دێت
گڕی ئاهم چیاتاوێنە ئەمشەو
لە قینی ناحەزان توخوا گوڵی من
لە زامانم چاوێ بخشێنە ئەمشەو