ئەر شەوی دەر وا بکەید و بیدە میهمانم چە بوو
سەر بنەیدە سینەم و دەس وە سەر شانم چە بوو
وا بکەیمن خوەش خوەشەک یەی شیشە لەو بەدمەسەو
ساقیم بید و بنەیدن سەر وە داوانم چە بوو
جور مەو لە باخەوانی عارزد پشتم چەمی
ئەر دەسم بگریدە ناو دەس نۊرێ چاوانم چە بوو
م ک گیان و عومر و ماڵم چی وە تاڵانێ چەود
کوفرێ زۆڵفد ئەر بوەیدن دین و ئیمانم چە بوو
هەر چمانی مردمە ئەر یەی کەڕەت سەوزم بکەی
لیمووێم سیفم شەمامەی باخ و بووسانم چە بوو
شوونێ کی بگرم لە ئی زڵماتە مینەی کی بکەم
ئەر ت بۊدە خزرێ ڕیم و ئاو و هەیوانم چە بوو
وەختێ خەفتن ئەر بچی پەرتەو چ خاکی کەیدە سەر
ئەر بمینی هەم نیەزانم دەرددە گیانم چە بوو