بمبەخشە

ئەو چاوە چاوی کاڵە خۆمار و پڕ لە نازە
گا بە پەنجە، گا بە ناز بە کوشتنم ئاواتخوازە
بمبەخشە دڵەکەم بۆت غەمین بوو
بمبەخشە چاوم پڕ ئەسرین بوو

هاجەرێ بە ئیشوە و بە ناز چ مەحشەرێکی بەرپا کرد
هەزاران عاشقی وەک من شێت و دێوانە و ڕسوا کرد
بمبەخشە دڵەکەم بۆت غەمین بوو
بمبەخشە چاوم پڕ ئەسرین بوو

داری سەر قەبرم لە پاش من دەردی دڵ ئینشا ئەکا
گوڵ کە مەیلی دڵبەری بێ موشتەری پەیدا ئەکا
دڵ کە کەوتە سەرگەردانی ساحبی ڕسوا ئەکا

لە کاتی ڕۆیینی تۆ
هاتم بە سەری ڕێی تۆ
بمبەخشە دڵەکەم بۆت غەمین بوو
بمبەخشە چاوم پڕ ئەسرین بوو

هەستە بێ بۆ لام ئازیز یاری جوان و خۆشەویست
با ماچ کەم لێوی ئاڵی تۆ یاری جوان و خۆشەویست
بمبەخشە دڵەکەم بۆت غەمین بوو
بمبەخشە چاوم پڕ ئەسرین بوو