دەردی دڵ

دەردی دڵ بۆ کێ بەیان کەم دڵ کە نالاوێتەوە
ئەو گڕووی گرتوویە چی بکەم بێ تۆ ژیر نابێتەوە
بەفری بەفرانبارە بێ بای وەعدە قەت ناچێتەوە
ئەی خودا کەنگێ عەزیزی ئەو دڵەی من دێتەوە

وێنەکەت دەرمانی سەر جەرگی برینداری منە
وەختی دڵتەنگی بە بێ تۆ هەر ئەوە یاری منە
دیتنی ڕووناکی بۆ دوو چاوی جۆباری منە
تاکوو لێت دوورم عەزیزم شیوەنت کاری منە
چاوەکانم، چاوەکانم بەسیە غوربەت بێرەوە
چۆن بژیم ئاخر ئەزیزم تۆ لەوێ و من لێرەوە

باوەڕی نایە بە ژینم دڵ بە دەس جزیاتەوە
خۆشە ڕۆح دەربێ و بەجارێ بیخەمە ژێر پاتەوە
چونکە تەنیا هەر دڵێکە و سەد بەڵا دەیباتەوە
چەرخی چەپگەرد لێم بەقینە دەست لە من ناکاتەوە
چاوەکانم، چاوەکانم بەسیە غوربەت بێرەوە
چۆن بژیم ئاخر ئەزیزم تۆ لەوێ و من لێرەوە