خاتوونەکەم
بیستووتە ئاسمان چەن دوورە
من بارتەقای دووری ئاسمان خۆشم دەوێی
بیستووتە دەریا چەن قووڵە
بەقەد قووڵی گشت دەریاکان خۆشم دەوێی
گیانەکەم تۆ نووسراوێکی
دێڕت بەقەد تاڵی پەرچەم
من چوار ساڵە دەتخوێنمەوە
چەن باڵی بیرم لێک ئەدەم
نە تێر ئەبم
نە تێت دەگەم
زۆر ئەترسێم لە ناو دێڕی شێعرەکانما
شار بتناسێ
کامێرەی چاوی مەرگەوەڕ
وێنەت بگرێ و هەڵیواسێ
زۆر دەترسێم گەر بتناسن
پەنجەکانم هەڵوەرێنن
شابسکی تۆش بسووتێنن
بەڵام هێشتاش من دەربەست نیم
هەرچیم دیوە
هەرچیم بۆ چاوت نووسیوە
نایشارمەوە
تا چۆک بدا لە دەروونتا دێوی گومان
تا گەورە و بچووک بزانن
خۆشم دەوێی
خۆشم دەوێی
سەد بارتەقای دووری ئاسمان
هۆنراوە: #عەبدوڵڵا_پەشێو