سنە

شارەکەم سنە شاری شیرینم
جێگای لە دایکبوون هەستی ئەوینم
کەی چاوم ڕۆشن بێ بە دیدارت
گیان بێ بە قوربان دیمەنی شارت
هەر سووچێکی تۆ بۆ من شارێکە
زیندووکەرەوەی ئازیز یادگارێکە
حەز ئەکەم بچمەو بۆ شاری سنە
ئەو شارە قیبلەی ئاواتی منە
بچم دانیشم لە پای تاقەدار
چاوگەلم پڕ کەم لە تەماشای شار
چاوگەلم پڕ کەم گیانا لە تەماشای شار

هەرچەنێ خەفەت من لە دڵما بێ
ناو سنە بێرن لە بیرم ئەچێ
ئەمخاتەوە بیر ژینی جارانم
هات و چۆی گەرمی دۆس و یارانم
باخ و باخات و ئازیز بەرزایی و دەشتی
شوێنی سەیرانگای گیانە هەر وەک بەهەشتی
حەز ئەکەم بچمەو بۆ شاری سنە
ئەو شارە قیبلەی ئاواتی منە
بچم دانیشم لە پای تاقەدار
چاوگەلم پڕ کەم گیانا لە تەماشای شار

سێوەر دارەکان زەفەریە و مەسناو
بیرکردنەوەیان دڵ ئەکاتە ئاو
هەر ئەوە تەنیا ئاواتی منە
تەنیا جارێتر بچمەوە سنە
شەرت بێ خاکەکەی گیانا بنمە سەر چاوم
لێی دوور نەکەوم ئازیز هەتا ماوم
حەز ئەکەم بچمەو بۆ شاری سنە
ئەو شارە قیبلەی ئاواتی منە
بچم دانیشم لە پای تاقەدار
چاوگەلم پڕ کەم گیانا لە تەماشای شار