Mecnûn leberçî wa dekey meqsûd û derdî to çîye
Bo çûye şax û kêw û kej karit hemîşe zarîye
Sed kîjî ciwantir lêre hen ger metlebî to ciwanîye
Şeyda mebe zarî meke dinya seraser fanîye
Dêwane nîm min aşiqim ha bew dilem Leyla bibîne
Dermanî derdim çare ken nêwî dilim pakî birîne
Mecnûn le Leyla dûr kewe sed kîjî şîrîntir heye
Çawbaz û gerdin kêl û ciwan roh sûk û dilgirtir heye
Bêhûde xot riswa meke meqsûdî Leyla tefreye
Ciwanî nîye ey bêxeber tegbîrî to bê behreye
Derdî îşq nazanî to derdî îşq gewre û girane
Meydanî îşq û aşqî sûtan û giryan û fuxane
Nûrî îşq nabîndirê her wek rohî perwaneye
Her kes ke ehlî dil nebê Mecnûnî pê dêwaneye
aşiq be dil şeyda nebê sûtanî pê efsaneye
Merdanî rêgey aşiqî serdadenên merdaneye
aşiq heta ser danenê nagate rêy awî heyatê
Merdî dewê ser dabinê mestane bo rêgay nehatê