Cêjwan

Ew pencey wa le bê hêzî delerzê
Kuşîwyetî memkoley balaberzê

Ew didaney êstê nemawe taqî
Gestûyetî zor car çenegey saqî

Ew çawaney somayî lê birawe
Hênd le ciwanan dagîra, dagîrawe

Ew lêwey wa êstê barî girtuwe
Kulmey nerm û nolî yarî girtuwe

Ew bahoyey zemane lêy birî hêz
Kam kîj ciwane girtûyete nêw amêz

Ew diley wa jwanî dewîst û ciwanî
Êsta pire le xem û le nîgeranî

Ew pêyaney şerzey kirduwe kutir û kwan
Mandû nebû qet le hatuçoy cêjwan