Dil le zîndanî sikender wereze û çarî nîye
Le hemû la telebî yarî eka yarî nîye
Ne be asoye umêd û ne be newroze gulim
Asmanî dilim estêreyekî dyarî nîye
Demî nasazîyetî û sazî xemî xoy ejenê
Yeke ustade welî daxî dilim tarî nîye
Nîye mirwarî le behra ke dilim wêlî nebê
Yeke xewase welî ew çeme çi bwarî nîye
Çi deken men’î dilim ger le demî mey derjê
Bîyewê xoşî le sêdare bida darî nîye
Were ey badî beharî be gulendamê bilê
Mujekey karître merhemekey karî nîye
Be nemî bade depşikiwê dile bê rewneqekem
Xo şukir bade heye hawdemî meyxiwarî nîye
Ege yar û ege nayarî leşt bêwey bê
Qedekem kurte bira hêzî minetbarî nîye
Şûlî herace ke deyda le serim destî felek
Keser û dax ke em gewhere kiryarî nîye
Nîye yarêkî be dil hewrî dilî pê birewê
Sûrî em çerxe delê dewrî wefadarî nîye
Sedeyêk rê debrê rexşî xeyalim be demê
Kê pêy waye ke ew mîllete şaswarî nîye