Xakî kûçey yarekem îksîrî saxî û jînime
Ciwanî ruxsarî û nîgarî hêzî ejno û tînime
Boçî bem derdem eba xo xoy dezanê halekem
Bo qijî aloz û lûlî dayme her şînime
Her wekû pûş û plaş kewtûm le kûçey yarda
Gêjelûkeş namfirênê çûnke ke’bey dînime
Ger be bê to biçme seyrî bax û seru û şorebî
Tif le seru û şorebî bê to le her dû qînime
Xelk elên kifre meke bem terhe wesfî yarî xot
Gwêgiranî xoşewîst min yarekem ayînime
Key xeyalim bête dî yaran bilêm oxey minim
Wa ke qolî yarî xom şew le jêr balînime