Çengîz Sîgarçî
خاتوونەکەم! بیستووتە ئاسمان چەند دوورە؟ من بارتەقای دووریی ئاسمان خۆشم دەوێی! بیستووتە دەریا چەند قووڵە؟ بەقەد قووڵیی گشت دەریاکان خۆشم دەوێی! گیانەکەم تۆ نووسراوێکی دێڕت بەقەد تاڵی پەرچەم من چوار ساڵە دەتخوێنمەوە چەند باڵی بیرم لێک دەدەم نە تێر دەبم، نە تێت دەگەم! زۆر دەترسم لەناو دێڕی شیعرەکانما شار بتناسێ کامیرەی چاوی مەرگەوەڕ وێنەت بگرێ و هەڵیواسێ زۆر دەترسم گەر بتناسن پەنجەکانم هەڵوەرێنن شابسکی تۆش بسووتێنن! بەڵام بەڵام هێشتا من دەربەست نیم هەرچیم دیوە هەرچیم بۆ چاوت نووسیوە نایشارمەوە تا چۆک بدا لە دەروونتا دێوی گومان تا گەورە و بچووک بزانن خۆشم دەوێی خۆشم دەوێی سەد بارتەقای دووریی ئاسمان! خۆشم دەوێی سەد بارتەقای دووریی ئاسمان!
Xatûnekem! Bîstûte asman çend dûre? Min barteqay dûrîy asman xoşim dewêy! Bîstûte derya çend qûle? Beqed qûlîy gişt deryakan xoşim dewêy! Gyanekem to nûsrawêkî Dêrit beqed talî perçem Min çwar sale detxiwênmewe Çend balî bîrim lêk dedem Ne têr debim, Ne têt degem! Zor detirsim lenaw dêrî şî’rekanma şar bitnasê Kamîrey çawî mergewer Wênet bigrê û helîwasê Zor detirsim ger bitnasin Pencekanim helwerênin Şabsikî toş bisûtênin! Belam Belam hêşta min derbest nîm Herçîm dîwe Herçîm bo çawit nûsîwe Nayşarmewe Ta çok bida le derûnta dêwî guman Ta gewre û biçûk bizanin Xoşim dewêy Xoşim dewêy sed barteqay dûrîy asman! Xoşim dewêy sed barteqay dûrîy asman!