Çengîz Sîgarçî
شەهید شەهید ئەی ئاسەواری فەخری دەوران هەڵۆ تیژباڵەکەی پێشەنگی هەوران شەهید ئەی کۆتری خوێنینپەڕی هۆز بڵێسەی ئاگری سوورئاڵی نەورۆز ئەگەرچی خێوی شەڕ، خواوەندی تاڵان بە خوێنت سووری کرد دەشتی هەڵاڵان ئەتۆ ئەی بەرزەفڕ تا ڕۆخی هەستان دەڕۆی، نابیتە دیلی بەفر و زستان هەتاوێکی بە گەرمیی خاکەلێوە لە سامت سڵ دەکەن بەفر و کڕێوە ئەتۆ نەرمی بە وێنەی ئاوی باران دەلەرزێنی دڵی بەردی بناران ئەتۆ شینی وەکوو ئاوی شەتاوان بەری تۆ ناگرێ زنجیر و پاوان چرای ڕوونی دەکەی دەیجووری ئاسۆم وەکوو ئاگر، وەکوو ئاسن، وەکوو مۆم ئەتۆ بۆ ڕۆژی هەستان وەک برا بووی ئەتۆ باڵی فڕینی چوارچرا بووی لە تۆ فێر بوومە وانەی فیکر و ڕاوێژ لە ورشەی چاوی تۆ سوور بوو گەلاوێژ ورەت بۆ کانی و گاشەبەردان هەناسەت بۆ گەرووی پڕزامی هەردان وەکوو بلوێری شوانێ خەمڕەوێنە وزەی بزوێنەری گەڕیانی خوێنە لە سۆزت ناخی من پڕ بوو لە ئاواز چریکەم دایە بەر پێدەشت و هەوراز سپێدەی بەربەیان ئاڵا لە دەستم لەبەر سێدارەکەی تۆ ڕادەوەستم دەخوێنم بۆت حەماسەی شیعری ڕابوون دەخۆم سوێندی بە ڕێگەت باوەفابوون دەخۆم سوێندێ بە خوێنی خاکەلێوەم کە تا ماوم لە سەر ڕێبازی ئێوەم
Şehîd Şehîd ey asewarî fexrî dewran Helo tîjbalekey pêşengî hewran Şehîd ey kotrî xwênînperî hoz Bilêsey agirî sûr’alî newroz Egerçî xêwî şer, xwawendî talan Be xwênit sûrî kird deştî helalan Eto ey berzefir ta roxî hestan Deroy, nabîte dîlî befir û zistan Hetawêkî be germîy xakelêwe Le samit sil deken befir û kirêwe Eto nermî be wêney awî baran Delerzênî dilî berdî binaran Eto şînî wekû awî şetawan Berî to nagrê zincîr û pawan Çiray rûnî dekey deycûrî asom Wekû agir, wekû asin, wekû mom Eto bo rojî hestan wek bira bûy Eto balî firînî çwarçira bûy Le to fêr bûme waney fîkir û rawêj Le wirşey çawî to sûr bû gelawêj Wiret bo kanî û gaşeberdan Henaset bo gerûy pirzamî herdan Wekû bilwêrî şwanê xemrewêne Wizey bizwênerî geryanî xwêne Le sozit naxî min pir bû le awaz Çirîkem daye ber pêdeşt û hewraz Sipêdey berbeyan ala le destim Leber sêdarekey to radewestim Dexwênim bot hemasey şî’rî rabûn Dexom swêndî be rêget bawefabûn Dexom swêndê be xwênî xakelêwem Ke ta mawim le ser rêbazî êwem