نەجمەدین غوڵامی
لە دەوری پیری مەیخانە سەدایی موتریبان با بێ لە تاریکی شەوی هیجران چرای دەفعی خەمان با بێ لە ناو بەزمی حەریفانا لە زومرەی بەزمی ڕندانا لە ناڵینی غەریبانا دەوای دەردی دڵان با بێ لە بەر ناڵەی حەزینی من لە بەر شین و گرینی من لە بەر دەردی برینی من نەسیمی هەم زەبان با بێ غوڵامی سەروی باڵاتم ئەسیری زولفی تاتاتم شەهیدی چاوی شەهلاتم قڕانی ئاشقان با بێ لە هیجرانی خەزان تا کەی بە ئومیدی گوڵان تا کەی لە نەغمەی بوڵبوڵان تا کەی دەبا فەسڵی گوڵان با بێ زەمانە بەزمی ڕندانە بدە ساقی بە پەیمانە لە بەر تەعزیمی مەیخانە بڵێن پیری موغان با بێ نەماوە حاڵەت و ژینم لە دەس چوو ڕۆحی شیرینم ڕەفێقان بێن بکەن شینم سەدای گریە و فوغان با بێ کە ئاشق قوڕبەسەر ماوە سەراپا غەرقی خوێناوە ئەڵێن دووبارە کوژراوە تەبیبی حاڵزان با بێ
Le dewrî pîrî meyxane sedayî mutrîban ba bê Le tarîkî şewî hîcran çiray def’î xeman ba bê Le naw bezmî herîfana le zumrey bezmî rindana Le nalînî xerîbana deway derdî dilan ba bê Le ber naley hezînî min le ber şînû girînî min Le ber derdî birînî min nesîmî hem zeban ba bê Xulamî serwî balatim esîrî zulfî tatatim Şehîdî çawî şehlatim qiranî aşqan ba bê Le hîcranî xezan ta key be umîdî gulan ta key Le nexmey bulbulan ta key deba feslî gulan ba bê Zemane bezmî rindane bide saqî be peymane Le ber te’zîmî meyxane bilên pîrî muxan ba bê Nemawe haletû jînim le des çû rohî şîrînim Refêqan bên biken şînim seday giryew fuxan ba bê Ke aşq qurbeser mawe serapa xerqî xwênawe Elên dûbare kujrawe tebîbî halzan ba bê