کوردستان ئەی نیشتمانم
هێزی دڵ ئارامی گیانم
جێی سەربڵندی و شانازی
تا دڵ دەخوازێ دڵخوازی
مێشکم، هەستم، بیرم، ژینم
بۆ تۆن گیانی شیرینم
گوڵی پشکوتووتی بێ پاییز
سیس نابی ناوەری هەرگیز
گوڵم بۆ دەستی دڵدارت
چقڵم بۆ چاوی بەدکارت
مێشکم، هەستم، بیرم، ژینم
بۆ تۆن گیانی شیرینم
تا زیندووم هەر تۆی مەبەستم
خۆشم دەوێی دەتپەرستم
بشمرم لەشی بەگڵبوو
دەڕوێنێ چەند گوڵ و دڕوو
مێشکم، هەستم، بیرم، ژینم
بۆ تۆن گیانی شیرینم