ئایشیلێ نازەنینێ

لەبەر دەرکییان دارە ئای هەنجیرە یان هەنارە
کچێ لەسەر باڵای لێوئاڵێ خۆم با بمدەن لە سێدارە
شەو و ڕۆژ لەیل و نهار ئای دڵ بۆ وی بێقەرارە
شەرتە تاکوو من نەکوژن دەست هەڵناگرم لەو یارە
ئایشیلێ نازەنینێ ئۆخەی لە سیڕەی پۆتینێ
*؟؟؟ ئاخ چوار قامک کورتی دێنێ
دەبم بە چەتری سەری یار لەبۆ ڕێی مەڕدۆشینێ

لەبەر ئەو کچە ڕەشتاڵە یار قەدی دەڵێی شمشاڵە
من سەر کەمە سەر ڕانی یار پێمدادە بەو دەسماڵە
بێوەژنە یان کچە ئاخ هەر دەڵێی شەکی کاڵە
گەر هات و لێتیان پرسی ئاخ بڵێ یارمە و بێحاڵە
ئایشیلێ نازەنینێ ئۆخەی لە سیڕەی پۆتینێ
دەبم بە چەتری سەری یار لەبۆ ڕێی مەڕدۆشینێ

*؟؟؟= ئەو بەشەمان بۆ ساغ نەبووەتەوە تکایە ئەگەر دەیزانن پێمانی بڵێن
سپاس