خۆم بە خۆمم کرد تیربارانم کەن ئامۆزا گیان
لەبەر بەیانا شار بە دەرم کەن ئامۆزا گیان
ئامۆزا تۆ باڵابەرزی ئامۆزا تۆ بۆ خۆم فەرزی
ئامۆزا تاقە گوڵەکەم نەونەمام فێنکی دڵەکەم
بە باڵای بەرزت بە پشتوێن شلت ئامۆزا گیان
حەیفە بێگانە دەس کات وە ملت ئامۆزا گیان
ئامۆزا تۆ باڵابەرزی ئامۆزا تۆ بۆ خۆم فەرزی
ئامۆزا تاقە گوڵەکەم نەونەمام فێنکی دڵەکەم
کانییەکەی بەرماڵ زیخ دانە دانە ئامۆزا گیان
یارم دانیشتووە زوڵف ئەکا شانە ئامۆزا گیان
ئامۆزا تۆ باڵابەرزی ئامۆزا تۆ بۆ خۆم فەرزی
ئامۆزا تاقە گوڵەکەم نەونەمام فێنکی دڵەکەم
قەورم بۆ لێدەن لە ڕێگەی کانی ئامۆزا گیان
بەشکووم نازداران پا بنێنە بانی ئامۆزا گیان
ئامۆزا تۆ باڵابەرزی ئامۆزا تۆ بۆ خۆم فەرزی
ئامۆزا تاقە گوڵەکەم نەونەمام فێنکی دڵەکەم
ماڵمان ماڵ هاوسێ ماڵی دایەتە ئامۆزا گیان
بە شەو گوێم لە دەنگ لایەلایەتە ئامۆزا گیان
لایەلایەکەت بە یاسینم بێ ئامۆزا گیان
قۆڵی پڕ بازن بە سەرینم بێ ئامۆزا گیان
ئامۆزا تۆ باڵابەرزی ئامۆزا تۆ بۆ خۆم فەرزی
ئامۆزا تاقە گوڵەکەم نەونەمام فێنکی دڵەکەم